Monday, December 8, 2008

မြန်မာစာ၊ ဗမာစာ

ဒီစာကို Select ပေးပြီးရေးပါ...
ရခိုင်စာနာင့် ရီးဗလင့်လို့ အားပီးတိုင်း တုန့်ပြန်သံတစ်ခုကိုစီ ကြားရရေ။ မရီးတက် အချေကပင် မြန်မာစာ သင်လာရလို့ မြန်မာပိုင်ရာ ရီးတက်တေ။ ရခိုင်ပိုင် ရီးဖို့အလေ့အကျင့်မဟိ။ ကျွန်တော်က ယင်းပိုင်မမြင် အလေ့အကျင့်မဟိလို့ မရီးတတ်စွာ မဟုတ်၊ ဗမာစာ ရီးကောင်းလို့ ရီးနီဂတ်တေ လို့ရာ မြင်ရေ။ ရခိုင်စာနန့် ရီးနီကတ်တေလူတိလည်း အချေခါက မြန်မာစာကို သင်ခရရေ လူတိရာ မဟုတ်လား။

သူရို့တိ ပီးနီကတ်တေ အကြောင်းပြချက်ထဲမာ သူရို့တိ နားမလည် အရာတစ်ခုဟိရေ။ ယင်းစွာက ယင်းလူတိရေ မြန်မာစာနန့် ဗမာစာကို ခွဲလို့မကွဲ။ ကွဲကွဲပြားပြား နားမလည်။ ဗမာစာကို မြန်မာစာ ထင်ပနာ ယောက်ဖ၊ ခအိုတော်နီကတ်တေ။ မြန်မာစာဆိုစွာက ဇာလဲ၊ ဗမာစာဆိုစွာက ဇာလဲ။ ခွဲကြည့် ကတ်မေ။

မြန်မာစာဆိုစွာက မြန်မာနိုင်ငံ မြန်မာစာပီပညာသျှင်အဖွဲ့က ယုံးသုံးစံအဖြစ် သတ်မှတ်ထားရေ စာ။ အစိုးရက တရားဝင်စာအဖြစ် သတ်မှတ်ထားရေ မြန်မာစာ။ ဒေမြန်မာစာရေ မြန်မာနိုင်ငံမာ ဗမာလူမျိုး တစ်ခုတည်းအတွက်မဟုတ်ဘဲ အခြားသော တိုင်းရင်းသားတိကပါ လက်ခံနိုင်ယောင် သတ်မှတ်ထား ရေစာ။ ငါရို့တိအားလုံး ယင်းစာကို သင်ခရရေ။ အချေခါရာမဟုတ် ကြီးခါလည်း သင်ရရေ။ ဟုတ် မဟုတ် စိုင်းစားကြည့်၊ ကျောင်းတက်တုန်းက စာစီစာကုံးရီးရေခါ ဗမာစကားပြောဟန်နန့် ရီးကေ အမှတ်မရ၊ စံမမီလို့သတ်မှတ်တေ။

ယင်းမြန်မာစာကို မြန်မာနိုင်ငံတစ်ဝှမ်းလုံးက ကျောင်းတိနန့် တက္ကသိုလ်တိမာ သင်ပီးနီရေ။ ပြီးကေ အစိုးရယုံးတိ၊ စီးပွါးရေလုပ်ငန်းတိ၊ လူမှုရေး၊ ဘာာသာရေး အခန်းကဏ္ဍတိအားလုံးမာ အသုံးပြုနီရေ။

ဗမာစာဆိုစွာဇာလဲ၊ ဗမာစာဆိုစွာက ဗမာလူမျိုးကြားမာ ပြောနီရေ စကားနန့် စာအဖြစ်ရီရေစာ။ ဗမာမိသားစုတိကြားမာ အသုံးပြုနီရေ စာ။ ဗမာဝတ္တု စာရီးဆရာတိ အသုံးပြုနီရေ စာ။

အစအဆုံးကြည့်ရန်..

/* EOT ----------------------------------------- */